Presidenti rus Vladimir Putin dhe disa bashkëpunëtorë të tij kanë marrë një sy gjumë gjatë mbledhjes së fundit të Këshillit Shtetëror për Zhvillimin e Turizmit në Rusi, duke gjykuar nga regjistrimet e publikuara në Daily Mail.
Një video e Putinit duke dremitur gjatë një takimi shtetëror u publikua pas pretendimeve se presidenti rus iu ankua mjekëve për gulçim dhe lodhje gjatë një udhëtimi në Rusinë lindore, ku ai po merrte pjesë në stërvitjet ushtarake në shkallë të gjerë Vostok.
Ndihmësit e Putinit mezi i mbajnë sytë hapur teksa dëgjojnë fjalimet. Seanca u mbajt pranë Vladivostok në Rusinë lindore.
Video nga takimi i këshillit shtetëror tregon gjithashtu zyrtarët e Putinit duke u përpjekur dëshpërimisht të mbajnë sytë hapur teksa dëgjojnë fjalimet.
Në kanalin Telegram General SVR, prej kohësh pohohet se Putini ka probleme serioze shëndetësore. Ata thonë se Putin ka probleme me veshkat. /tesheshi.com/
