Presidenti rus Vladimir Putin tha të hënën, përpara një samiti me udhëheqësit afrikanë në Soçi, se ndryshe nga Perëndimi, Afrika mund të merrte nga Rusia ndihmë pa kushte politike.
Kremlini ka njoftuar se pret 47 liderë afrikanë në një samit në Soçi në 23-24 tetor, i pari i këtij lloji i organizuar për të forcuar ndikimin rus dhe lidhjet e biznesit në Afrikë.
Putini paralajmëroi që konkurrenca për Afrikën po rritej në botë dhe ai akuzoi Perëndimin se frikëson vendet afrikane për të shfrytëzuar burimet e tyre.
“Ne shohim një numër të vendeve perëndimore që bëjnë presion, duke frikësuar dhe shantazhuar qeveritë sovrane afrikane”, tha ai në një intervistë për TASS.
Ai nuk i përmendi vendet në fjalë, por tha se foli për shtete që ishin sundimtarë kolonialë në Afrikë.
“Ata përdorin metoda të tilla për të provuar të rimarrin ndikimin e tyre të humbur dhe mbizotërimin në ish-kolonitë, thënë ndryshe, që sa më shpejt që të jetë e mundur për t’u kapitalizuar e maksimizuar fitimet në kontinent”: tha ai.
Ai theksoi se Rusia, nga ana tjetër, është e gatshme të ofrojë ndihmë pa “kushte politike ose të tjera” dhe të pranojë parimin e zgjidhjeve afrikane për problemet afrikane.
Ai shtoi se marrëdhëniet e Rusisë me Afrikën janë në një trajektore në rritje, duke përmendur marrëveshjet e bashkëpunimit ushtarak që Rusia ka lidhur me më shumë se 30 vende afrikane që shesin armë. /tesheshi.com/
