Presidenti rus, Vladimir Putin, u shpreh në takimin e përvitshëm të Ligës Arabe, që nisi të shtunën në Sharm el-Sheikh të Egjiptit, se Rusia do të vazhdojë të kontribuojë në ngritjen e një shtet të pavarur palestinez me kryeqendër Jerusalemin Lindor.
“Palestinezët kanë të drejtën për të krijuar një shtet të pavarur e të banueshëm, me një kryeqytet në Jerusalemin Lindor. Rusia do të vazhdojë të ndihmojë në arritjen e këtij objektivi përmes kanaleve bilaterale dhe multilaterale,” tha Putini në fjalën e tij.
Presidenti rus theksoi gjithashtu nevojën për t’i zgjidhur problemet në botën arabe me anë të mjeteve paqësore dhe pa ndërhyrjen e huaj.
Autoriteti Palestinez me qendër në Ramallah kërkon një shtet të pavarur në Rripin e Gazës dhe në Bregun Perëndimor, me Jerusalemin Lindor si kryeqytet. /tesheshi.com/
