Në një seancë para drekës në Pallatin e Kremlinit, mbreti saudit Selman, presidenti rus Vladimir Putin dhe përkthyesi u ulën së bashku për një filxhan çaji.
Putin derdhi çaj për mikun e tij mbretëror në një nga kështjellat më të famshme politike në botë, Pallatin e Kremlinit.
Sesioni i thjeshtë i çajit u pasua nga një pritje madhështore në Moskë, për të festuar vizitën zyrtare të mbretit Selman në Rusi.
Marrëdhëniet saudite-ruse janë zhvilluar që nga fillimi i veprimtarisë diplomatike në vitin 1990, prej kur janë nisur një seri komunikimesh midis dy vendeve. Vizita e mbretit Salman është e para e këtij lloji nga një mbret saudit.
Fotot tregojnë Pallatin e famshëm të Kremlinit në kryeqytetin rus. Fjala “Kremlin” në gjuhën ruse do të thotë “kështjellë” ose fortesë.
Është shtëpia e disa pallateve luksoze që dikur i përkisnin Carit dhe njerëzve të tij para se të ktheheshin në muze.
Kremlini ndodhet në qendër të Moskës në kodrën e Porvitsky, në anën e majtë të lumit Muskova.
Perandori rus Ivan III, i cili qeverisi midis viteve 1440 dhe 1505, solli arkitektë nga Rusia dhe Italia për të rinovuar Kremlinin, duke përzier dhe inkorporuar artin rus dhe italian në dizajnet e tij të mrekullueshme. /tesheshi.com/
