Presidenti rus Vladimir Putin udhëtoi në rajonet Kherson dhe Luhansk, përkatësisht në Ukrainën jugore dhe lindore, për t’u takuar me personelin ushtarak të vendosur atje si pjesë e operacionit rus të nisur më shumë se një vit më parë.
Në njoftimin e presidencës ruse nuk specifikohet se kur u zhvillua kjo vizitë. Megjithatë, theksohet se presidenti rus ka përshëndetur ushtarakët në rajonet e Kherson dhe Luhansk me rastin e festës së Pashkëve Ortodokse pardje, të dielën, dhe u ka ofruar ikona fetare.
“Komandanti suprem i forcave të armatosura të Federatës Ruse shkoi në shtabin e përgjithshëm të njësisë ushtarake ‘Dniepr’ në rajonin Kherson”, thuhet në deklaratë.
Kjo është vizita e parë e Putinit në rajonin Kherson që nga pushtimi i Ukrainës nga forcat ruse në shkurt 2022.
Putin visited the headquarters of the Dnieper group of troops in the Kherson (former Ukraine region)
Later, Putin visited the headquarters of the Vostok National Guard in the Lugansk (former Ukraine region). pic.twitter.com/vIAzuPZYpA
— Sentletse 🇷🇺🇿🇦🇵🇸 (@Sentletse) April 18, 2023
Presidenti rus u takua atje me komandantin e Forcave Ajrore Ruse, gjeneralin Mikhail Teplinsky dhe zyrtarë të tjerë të lartë ushtarakë për të diskutuar situatën në rajonet e Kherson dhe Zaporizhia, të cilat Rusia njoftoi se i kishte aneksuar në shtator.
“Për mua është e rëndësishme të di këndvështrimin tuaj për situatën, t’ju dëgjoj, të shkëmbejmë informacione”, tha presidenti rus në një video të transmetuar nga Kremlini.
Ushtria ruse u tërhoq nga qyteti i Khersonit, kryeqyteti i rajonit me të njëjtin emër, në nëntor 2022 për t’u vendosur në bregun tjetër të Dnieper.
Putin udhëtoi gjithashtu në rajonin Luhansk të Ukrainës lindore, gjithashtu në vizitën e tij të parë atje, për t’u takuar me anëtarët e shtabit të përgjithshëm të Gardës Kombëtare Ruse të vendosur në rajon, sipas Kremlinit.
Në mars, Putin bëri vizita të papritura në Krime, gadishullin ukrainas të aneksuar nga Rusia në 2014 dhe Mariupol, një port i madh ukrainas që forcat ruse e kishin rrethuar për muaj të tërë dhe e morën nën kontroll në maj 2022. /tesheshi.com/
