Vrasja e ambasadorit rus në Turqi nuk do të dëmtojë marrëdhëniet e Rusisë me Ankaranë, tha të premten presidenti Vladimir Putin.
Duke folur në një konferencë vjetore për shtyp, Putin tha se vrasja e Andrey Karlov ishte një përpjekje për të prishur marrëdhëniet në mes të Moskës dhe Ankarasë.
Karlov u qëllua në shpinë dhe u vra gjatë kohës sa ai po mbante një fjalim në një galeri arti në Ankara më 20 dhjetor.
Dy vendet ndërmorrën hapa për de-eskalimin e tensionit menjëherë pas incidentit.
Marrëdhëniet në mes të Turqisë dhe Rusisë u rivendosën në qershor të vitit 2016, pas një zënke të nxehtë diplomatike që filloi me rrëzimin e një avioni bombardues rus me 24 nëntor të vitit 2015. /tesheshi.com/
