Presidenti rus Vladimir Putin u dërgoi telegrame liderëve të shumë vendeve me rastin e festave të Krishtlindjeve, njoftoi shërbimi për shtyp i Kremlinit.
Vladimir Putin kështu uroi Krishtlindjet dhe Vitin e Ri liderëve të Komonuelthit të Shteteve të Pavarura (CIS), me përjashtim të Moldavisë, si dhe liderëve të Abkhazisë dhe Osetisë së Jugut.
Vetëm kryeministri hungarez Viktor Orban dhe presidenti serb Aleksandar Vuçiç morën urimet prej Putinit nga liderët evropianë, njoftoi Kremlini.
Presidenti rus u dërgoi gjithashtu mesazhe të përzemërta liderëve të Kinës, Indisë, Vietnamit, Laosit, Bolivisë, Brazilit, Venezuelës, Kubës, Nikaraguas, Sirisë, Turqisë dhe Afrikës së Jugut.
Ai dërgoi përshëndetje të ngrohta për Papa Françeskun dhe një numër ish-liderësh të huaj, duke përfshirë ish-presidentin francez Nicolas Sarkozy dhe ish-kancelarin gjerman Gerhard Schroeder.
Është e rëndësishme të theksohet se ai nuk ka shprehur përshëndetje për asnjë lider nga vendet që konsiderohen armiqësore, përfshirë Shtetet e Bashkuara të Amerikës, raportojnë agjencitë. /tesheshi.com/
