Presidenti rus, Vladimir Putin ka deklaruar se presidenti i zgjedhur i Shteteve të Bashkuara të Amerikës, Donald Trump është një njeri i zoti dhe se shumë shpejt do të kuptojë se çfarë përgjegjësishë ka marrë përsipër. Këto deklarata shefi i Kremlinit i bëri gjatë një interviste për televizionin NTV, teksa Putin ju referua arritjeve të Trump në fushën e biznesit.
“Nëse ai është person i zgjuar, atëherë ai së shpejti do e kuptojë nivelin e ri të përgjegjësisë”, ka thënë Putin dhe ka shtuar se “Ne supozojmë që ai do të jetë i aftë për këtë post”.
Kremlini, muajin e kaluar ka thënë se Putin dhe Trump gjatë bisedës së parë telefonike pas fitores së Trumpit në zgjedhje në nëntor kanë rënë dakord për krijimin e marrëdhënieve të stabilizuara mes dy superfuqive më të mëdha në botë, Rusia dhe Amerika.
Po ashtu, pak ditë më parë, Putin e ka përsëritur gatishmërinë e tij të punojë me administratën e Trump, pasi ky i fundit të nis punën në muajin janar. Nga ana tjetër, edhe vetë Trump ka thënë se ai pret të ketë “marrëdhënie të fuqishme dhe të qëndrueshme me Rusinë”./tesheshi.com/
