Putin vizitoi ushtarët e plagosur rusë në Ukrainë për herë të parë, tre muaj pas fillimit të ofensivës në vendin fqinj.
Pamjet televizive e treguan atë me një bluzë të bardhë duke biseduar me disa ushtarë dhe duke i pyetur ata se nga janë dhe cila është gjendja e tyre familjare. Ushtarët qëndronin pranë shtretërve të tyre me plagët e padukshme. Pra, me shumë pikëpyetje fakti se përse takimi mes tyre qe në këmbë.
Duke iu drejtuar një ushtari me pizhame me vija blu dhe të bardha, presidenti i tha atij se djali i tij nëntë muajsh “do të ishte krenar për babanë e tij”. Ministri i Mbrojtjes Sergei Shoigu ishte me të.
Rusia shumë rrallë zbulon humbjet e saj njerëzore në Ukrainë. Të dhënat e fundit të publikuara më 25 mars tregojnë se ushtria ruse njohu 1351 ushtarë të vdekur dhe 3825 të plagosur.
Zëdhënësi i presidentit ka theksuar më parë se kjo vizitë nuk do të thotë një “fazë e re”, ndërkohë që ofensiva në Ukrainë po hyn në muajin e katërt.
“Thjesht, orari i kohës e lejoi atë të shkonte personalisht atje”, tha Dmitry Peskov.
Rusia pretendon se ofensiva në Ukrainë, e cila filloi më 24 shkurt, dëshiron të mbrojë banorët rusishtfolës nga gjenocidi dhe “të pastrojë vendin nga nazistët”. Autoritetet theksojnë gjithashtu se ofensiva po shkon sipas planit, megjithëse Moska hoqi dorë nga sulmi ndaj Kievit në fund të marsit, pas rezistencës së ashpër të Ukrainës, dhe e përqendroi operacionin në lindje të vendit.
Pavarësisht luftimeve të ashpra gjatë tre muajve të fundit, ushtria ruse po bën përparim të ngadaltë, duke sinjalizuar një luftë të gjatë dhe rraskapitëse.
Ministri rus i mbrojtjes dhe sekretari i Këshillit të Sigurimit të fuqishëm të Rusisë thanë të martën se Rusisë do t’i duhet të qëndrojë në Ukrainë për një kohë të gjatë për të arritur qëllimet e ndërhyrjes së saj. /tesheshi.com/
