Vladimir Putin ka thirrur në Soçi, qytetin turistik pranë Detit të Zi, Bashar al Assad, presidentin e Sirisë së shkatërruar tashmë si për të konfirmuar se ata të dy janë faktori thelbësor për zgjidhjen e problemit të hapur prej tre vitesh në Lindjen e Mesme dhe që ka shkaktuar mijëra e mijëra viktima.
Në një takim që u shit në media si “rastësor” Putin ka deklaruar se “procesi i paqes në Siri do të jetë pjesë e zgjidhjes së OKB-së dhe jo e vetëm koalicionit që drejtohet nga amerikanët”.
Siç bën të ditur televizioni propagandistic rus, RT, “Assad ka bërë të ditur se pret që të përfshihen në procesin e paqes të gjithë ata që janë të interesuar vërtet për të rikthyer qetësinë e jetën në Lindjen e Mesme”. /tesheshi.com/
