Presidenti rus Vladimir Putin mori pjesë në liturgjinë e Kishës Ortodokse Ruse për kremtimet e Pashkëve.
Ai qëndroi mënjanë në Katedralen e Moskës së Krishtit Shpëtimtar, duke mbajtur një qiri të kuq të ndezur, gjatë meshës së mesnatës.
Kujtojmë se Kisha Ortodokse Ruse mbështeti fuqishëm atë që Kremlini e quan “operacionin e saj special ushtarak” në Ukrainë.
Besimtarët ortodoksë kremtojnë sot ringjalljen e Krishtit – Pashkët, duke u përshëndetur me urimin tradicional “Krishti u ngjall, me të vërtetë u ngjall”.
Pashka është festa më e madhe e krishterë. Sipas besimit të krishterë, atë ditë, Jezu Krishti u ringjall nga të vdekurit, e mundi vdekjen dhe u dha jetën e përjetshme të gjithë njerëzve, nga Adami dhe Eva deri te njeriu i fundit në tokë. Pashka është një festë lëvizëse, e cila mund të jetë më e hershme më 4 prill dhe më së voni më 8 maj, e llogaritur sipas kalendarit të ri Gregorian. /tesheshi.com/
