Presidenti rus Vladimir Putin tha në fjalimin e tij vjetor në parlament për gjendjen e kombit se Rusia është bërë lideri botëror i armëve për herë të parë në histori, por se nuk kërcënon ose imponon vullnetin e saj ndaj askujt.
“Ne nuk kërcënojmë askënd dhe nuk kemi ndërmend të imponojmë vullnetin tonë,” tha Putin.
Putin beson se pesë anëtarët e përhershëm të Këshillit të Sigurimit të KB duhet të japin një shembull për eliminimin e kërcënimeve të luftërave të reja.
Ai paralajmëoi për ngjarje të paparashikueshme dhe të pakontrollueshme në Lindjen e Mesme dhe Afrikën e Veriut në javët dhe ditët e fundit.
“Ne shohim që konfliktet rajonale mund të bëhen një kërcënim për të gjithë botën,” tha ai.
“Koha kërkon një vetëdije për përgjegjësinë tonë të përbashkët dhe veprimet reale,” theksoi Putin. “Shtetet anëtare të KB duhet të japin një shembull. Pesë fuqitë bërthamore kanë një përgjegjësi të veçantë për ruajtjen dhe zhvillimin e qëndrueshëm të njerëzimit.”
Ai tha se këto pesë vende duhet të fillojnë me “masa për të luftuar kërcënimet e luftës globale, të hartojnë qasje të reja për të garantuar stabilitetin në të gjithë botën, duke marre plotësisht parasysh aspektet politike, ekonomike dhe ushtarake të marrëdhënieve ndërkombëtare bashkëkohore”. /tesheshi.com/
