Sanksionet e reja kundër Phenianit janë cilësuar nga presidenti rus, Vladimir Putin, si jo efikase dhe të panevojshme.
Reagimi i Putin vjen pasi SHBA dhe Japonia janë dakordësuar për një shtim sanskionesh ndaj Koresë së Veriut, pasi shteti komunist aplikoi me sukses provën e një bombe me hidrogjen, e cila vlerësohet si shumë më e fuqishme se ato me mbushje bërthanore të përdorura nga SHBA në përfundim të Luftës së Dytë Botërore.
“Rusia dënon ushtrimet e Koresë së Veriut, që zhvilloi të dielën një test me bombë me hidrogjen, por përdorimi i çdo lloj sanksioni në këtë rast është i panevojshëm dhe jo efikas”, theksoi Putini në kuadër të samitit të fuqive në rritje të BRICS në Kinë.
Sipas tij, të angazhohesh në një histeri ushtarake nuk ka asnjë kuptim, e gjithë kjo mund të sjellë një katastrofë planetare. /tesheshi.com/
