Presidenti rus Vladimir Putin ka thënë se pozicioni i vendit në tregun ndërkombëtar të armëve po bëhet më i fortë, pavarësisht sanksioneve që po vuan.
Në një takim të Komisionit Ndërkombëtar të Bashkëpunimit Teknik Ushtarak në Moskë, ai tha se Rusia kishte rritur eksportet e armëve këtë vit.
“Këtë vit, ne kemi shitur armë me vlerë 13 miliardë dollarë. Kjo është mbi dy miliardë më shumë sesa shitjet në të njëjtën periudhë të vitit të kaluar. Pavarësisht sanksioneve dhe konkurrencës së padrejtë, pozicioni i Rusisë në tregun ndërkombëtar të armëve po rritet”, tha ai.
Udhëheqësi rus tha gjithashtu se në panaire të ndryshme, partnerët e huaj ishin në gjendje të shikojnë më nga afër industrinë e suksesshme të mbrojtjes ruse këtë vit.
Në veçanti, ai vlerwësoi avionin luftarak ushtarak rus të gjeneratës së pestë Su-57, një helikopter ushtarak Mi-38T, si dhe një sistem rakete me rreze tw mesme Viking.
Putin ka njoftuar se Rusia do të vazhdojë të punojë ngushtë me partnerët tradicionalë dhe të sigurojë kushte më të favorshme dhe fleksibile të pagesave për vendet afrikane. /tesheshi.com/
