“Unë nuk dua më vajza”, thuhet të ketë thënë burri i fortë i Kremlinit, Vladimir Putin dhe i dashuri i Alina Kabaeva, e cila është shtatzënë me fëmijën e tyre të pestë, kur mësoi gjininë e foshnjës.
“Në moshën 69-vjeçare, lideri i Rusisë do të përjetojë edhe një herë atësinë, ndërsa lufta në Ukrainë është ndezur, megjithatë, ai nuk duket shumë i lumtur që ka një vajzë tjetër”, thuhet në një postim në kanalin Telegram nga Gjenerali SVR, që ka lidhje me Kremlinin, komentojnë gazetat New York Post dhe The Sun.
Putini thuhet se ka gjithsej katër fëmijë me të dashurën e tij Alina Kabaeva, fituese e medaljes së artë olimpike në gjimnastikë ritmike, e cila është 30 vjet më e vogël se ai.
“Lajmi nuk shkoi mirë me babain dhe presidentin e Rusisë, i cili pretendoi se ai tashmë ka disa fëmijë dhe madje edhe vajza, gjë që e shqetësoi shumë Alina Maratovna-n”, thuhet në postimin anonim, ku përdoret emrin i dytë i Kabaeva-s.
E dashura e Putinit, Kabaeva, besohet se ka dy djem dhe vajza binjake me presidentin rus, të gjithë të lindur në Zvicër, thanë burimet për Page Six. Ajo dhe fëmijët ndodhen në një vend sekret në vend, shtuan burimet.
Shtatzënia e paplanifikuar
Në maj, e njëjta llogari në kanalin Telegram raportoi se Kabaeva ishte përsëri shtatzënë, duke postuar mesazhin e mëposhtëm: “Putin zbuloi se zonja e tij është përsëri shtatzënë dhe me sa duket, kjo nuk ishte planifikuar,” shkroi në atë kohë The Sun.
Kujtohet se lideri rus ka dy vajza nga martesa e tij me ish-stjuardesën ruse Lyudmila Skrebneva: 36-vjeçaren Maria Putina, e cila përdor mbiemrin Vorontsova dhe 35-vjeçaren Katerina Tikonova, një ish-balerinë që sot është pjesë e një iniciative të inteligjencës artificiale në Universitetin Shtetëror të Moskës.
Putin thuhet se ka gjithashtu një “vajzë sekrete”, Luiza Rozova, e njohur gjithashtu si Elizaveta Krivonotzicc, të cilën e kishte me Svetlana Krivonotzicc, e dashur e tij në vitet 1990. /tesheshi.com/
