Sondazhi i parë i zhvilluar pas mbylljes së vendvotimeve në Rusi e nxjerr Vladimir Putinin me 73% të votave fitues për herë të katërt.
Por diçka nuk i ka shkuar mirë “carit” të ri: pjesëmarrja në zgjedhje është poshtë objektivit.
Exit Poll-i është kryer nga instituti shtetëror Vtsiom, i jep, siç pritej, Putinit fitoren në zgjedhje.
Ndërkaq KQZ-ja thekson se nga 30% të kutive të hapura Putin është në krye me 73.11% rë votave. Ndërsa në vend të dytë është sipërmarrësi i luleshtrydheve, Pavel Grudinin, përfaqësues i komunistëve të rinj me 14.7%.
I treti renditet Vladimir Zhirinovski me 6.7%.
Gazetarja Ksenia Sobchak ndodhet në vendin e katërt me 1.6%.
Rezultatet e para i referohen kutive të ekstremit lindor në vend, ku dielli lind më shpejt. Nëse konfirmohet ky trend, ai përbën rezultatin më të mirë në historinë e zgjedhjes së një presidenti rus.
Por pika e dobët e këtyre zgjedhjeve është pjesëmarrja.
Në orën 12.00 shifra ishte e frikshme, gati 30% dhe më pas ka pasur shumë turbullira.
Konstantin Abramov, drejtori i institutit Vitsom tha se pjesëmarrja llogaritet deri në 63%, por KQZ nuk ka dhënë një rezultat më të saktë.
Kremlini kishte synimin 70 me 70; pra pjesëmarrje e 70% të rusëve në zgjedhje dhe një fitore me 70%. /tesheshi.com/
