Vladimir Putin ka qenë ndër të parët që kanë përshëndetur qeverinë e re italiane të drejtuar nga Lëvizja 5 Yje dhe Lega, forca politike që në fushatën zgjedhore kanë kërkuar heqjen e sanksioneve ndaj Rusisë.
Madje numri dy i qeverisë italiane, Luigi di Maio ka qenë vetë në kryeqytetin rus para zgjedhjeve, duke shënuar politikanin e vetëm të BE-së që shkel Moskën.
Siç bën të ditur agjencia ANSA, Putin i ka shkruar një telegram kryeministrit të ri italian Giusepe Conte, të cilit i ka premtuar bashkëpunim të ngushtë.
“Pres që veprimtaria juaj zoti kryeministër të kontribuojë në mënyrë konstruktive në relacionet ruso-italiane në disa sektorë, por edhe në çështjet ndërkombëtare”, shkruan Putin në telegramin e tij.
Sipas Kremlinit, “populli italian ka votuar për të përmirësuar marrëdhëniet me Rusinë”. /tesheshi.com/
