Rusia nuk do të dërgojë trupa ushtarake në Siri për momentin, konfirmoi presidenti rus, Vladimir Putin në një intervistë televizive.
“Rusia nuk do të marrë pjesë me trupa në operacionet në territorin e Sirisë apo të ndonjë shteti tjetër, të paktën nuk kemi ndonjë plan në këtë drejtim për momentin”, tha Putin në intervistën me Charlie Rose në CBS.
Komentet e tij u përkthyen nga rusishtja. Presidenti Putin e dha intervistën përpara se të nisej për Nju Jork ku do të mbajë fjalim përpara asamblesë së Përgjithshme të OKB-së.
Këto komente janë ndjekur me vëmendje, pasi Rusia e ka intensifikuar së fundmi praninë e mbështetjen ushtarake për Assad-in në Siri, forcat e të cilit kanë pësuar një sërë humbjesh në luftën civile në vend, gjatë kohëve të fundit. /tesheshi.com/
