Autoritetet turke janë ende duke punuar për të organizuar një takim midis Vladimir Putin dhe Vladimir Zelensky, tha ministri i Jashtëm turk Mevlut Cavusoglu.
Cavusoglu i tha NTV se Turqia vazhdon të komunikojë për takimin e tyre.
“Ne e dimë se temat kritike do të vendosen në nivelin e liderëve, kështu që ne do të përpiqemi t’i bashkojmë liderët,” tha ai.
Ai pranoi se ngjarjet e fundit rreth krimeve të luftës në qytetet ukrainase të Bucha-s dhe Irpinit kanë krijuar një atmosferë negative në anën ukrainase.
Edhe nga ana ruse janë lëshuar mesazhe lufte më shumë se bisedimesh, madje me vetë gojën e Putinit. Por Ankaraja ka “vënë bastin” e aftësisë diplomatike për t’i ulur të dy liderët antagonistë, për krijimin e një shansi paqeje në Ukrainë. /tesheshi.com/
