Presidenti Putin paralajmëroi vijimin e pushtetit në emër të forcës së tij politikë “Rusia e Bashkuar”.
Zgjedhjet që do të zhvillohen në Rusi në vitet e ardhshme janë thelbësore për vazhdimësinë e zhvillimit të vendit, për të cilin kombi duhet të konsolidohet – tha Putin në Kongresin e 19-të partisë “Rusia e Bashkuar”.
Tema e kongresit ishte pikërisht fushata e ardhshme zgjedhore, përfshirë zgjedhjet për dhomën e ulët të parlamentit rus, Duma e Shtetit, që do të mbahen në 2021.
“Zgjedhjet e ardhshme janë thelbësore për të siguruar vazhdimësinë e zhvillimit kombëtar, për ruajtjen dhe forcimin e gjithçkaje që është bërë, dhe shumë është bërë. Është e nevojshme të sigurohet konsolidimi publik në lidhje me një strategji afatgjatë për përparimin e Rusisë. Kjo është detyra më e rëndësishme e partisë”, theksoi Putin.
Pas Putinit, kryeministri Medvedev tha se “Rusia e Bashkuar” është dëshmuar e efektshme si një forcë politike në pushtet dhe është e vetëdijshëm për përgjegjësinë e saj në zhvillimin e vendit. /tesheshi.com/
