Në prag të një vizite zyrtare në Beograd, Presidenti rus Vladimir Putin tha se ndryshe nga partnerët perëndimorë, ai nuk përpiqet që të vendosë Serbinë përpara zgjedhjes imponuese “ose jeni me Rusinë ose jeni me Bashkimin Evropian”.
Ne kemi shumë miq në Ballkan, por Serbia është partneri ynë strategjik, tha Putin.
“Nuk e fsheh se jemi befasuar nga një reagim mjaft pasiv të Bashkimit Evropian në lidhje me vendimin e Kuvendit të Kosovës për transformimin e Forcave të Sigurisë në ushtri”, tha Putin në një intervistë të përbashkët për dy media beogradase.
Ai theksoi se ky veprim krijon një rrezik serioz të situatës në rajon.
Kur flasim për situatën në Ballkan, tha Putin, një faktor serioz destabilizues është politika e disa vendeve perëndimore dhe SHBA-së, të përqëndruara në konsolidimin dominimin e tyre në rajon.
Ai thotë se në vitin 2017, “pavarësisht nga qëndrimi i gjysmës së popullsisë, Mali i Zi u fut në NATO”.
Sipas tij, duke e njohur dhe kuptuar kompleksitetin e Ballkanit dhe historinë e rajonit, Rusia gjithmonë e ka konsideruar atë një hapësirë për bashkëpunim konstruktiv. /tesheshi.com/
