Përkundër problemeve politike me Turqinë, Rusia nuk do të heqë dorë nga projekti i ndërtimit të tubacionit të gazit “Korridori i jugut”, e as nga ajo që konsiderohet si zëvendësim i saj “Rrjedha turke”. Ky është qëndrimi që ka mbajtur së fundi presidenti rus Vladimir Putin, gjatë një konferencë për shtyp në Moskë pas takimit me kryeministrin izraelit, Benyamin Netanyahu.
“Ekzistojnë disa vështirësi të caktuara të natyrës politike. Gjithashtu, presim një përgjigje të qartë nga ana e Komisionit Evropian në lidhje me këtë projekt”, ka thënë presidenti rus.
Alexej Miller, president i kompanisë Gazprom, ka deklaruar se Putin ka pezulluar ndërtimin e tubacionit të gazit, ‘’Korridori i jugut’’ në dhjetor të vitit 2014, për shkak se nuk ishte në përputhj me legjislacionin e Bashkimit Evropian.
Ndërsa ndërtimi i projektit ‘’Rrjedha turke’’, po ashtu është pezulluar për shkak të përkeqësimit të raporteve mes Moskës dhe Ankarasë, pas rrëzimit të një aeroplani luftarak rus nga forcat ajrore turke në nëntor të vitit 2015. /tesheshi.com/
