Për të katërtin vit radhazi, presidenti i Rusisë, Vladimir Putin është shpallur njeriu më i fuqishëm në botë. Sipas revistës amerikane “Forbes” Putin kryesoi sërish listën e njerëzve më me influencë në të gjithë planetin për vitin 2016.
“Personi më i fuqishëm në botë për katër vite me radhë është presidenti rus, i cili ka zgjeruar ndikimin e tij në pothuajse çdo cep të planetit. Bëhet fjalë për shumë çeshtje si ajo e Sirisë, apo në zgjedhjet presidenciale të SHBA-ve. Putin vazhdon të marrë çdo gjë që ai dëshiron”, shkruhet në deklaratën zyrtare të revistës.
Në vendin e dytë është rendisur presidenti i sapozgjedhur i Shteteve të Bashkuara të Amerikës, Donald Trump, kurse në vendin e tretë është klasifikuar, kancelarja gjermane, Angela Merkel, duke humbur kështu një pozicion nga viti i kaluar.
“Forbes” i rendit njerëzit më të pushtetshëm të botës duke marrë parasysh ndikimin e tyre social, burimet financiare dhe sferën e influencës./tesheshi.com/
