“Rusia dhe Turqia pajtohen që një vendim i SHBA-së për të njohur Jerusalemin si kryeqytetin e Izraelit destabilizon situatën në Lindjen e Mesme”, tha të hënën Presidenti rus Vladimir Putin.
Duke folur në Ankara së bashku me presidentin turk Erdogan, Putin tha gjithashtu se Rusia shpresonte të nënshkruante një marrëveshje për industrinë ushtarake me Turqinë në të ardhmen e afërt.
Zyrtarët turq dhe rusë do të takohen për të finalizuar marrëveshjen për sistemet e raketave tokë-ajër S-400 në javën e ardhshme, tha të hënën presidenti Erdogan.
ky i fundit tha të hënën se SHBA është bërë një “partner në gjakderdhje”, me vendimin e tyre për të njohur Jeruzalemin. Ai tha se beson se takimi i Organizatës për Bashkëpunimin Islamik për Jeruzalemin këtë javë do të jetë një pikë kthese. Të dielën ai e quajti Izraelin “një shtet terrorist”, duke shtuar se Turqia “nuk do ta lë Jeruzalemin në mëshirën e një vendi që vret fëmijë.”
Presidenti rus Vladimir Putin njoftoi të martën se Rusia do të tërheqë forcat e saj nga Siria, pasi mbërriti në Latakia të Sirisë, në një vizitë të papritur. Presidenti rus tha se pavarësisht vendimit për të tërhequr “një pjesë të konsiderueshme të kontigjentit rus,” në qoftë se “terroristët ngrejnë kokat e tyre” në Siri Rusia do t’i godasë ata me sulme të fuqishme. /tesheshi.com/
