Presidenti rus Vladimir Putin do të nënshkruajë nesër një dekret për aneksimin e katër rajoneve të pushtuara në Ukrainë, njoftoi Kremlini.
Kjo do të thotë se të premten Rusia do të aneksojë zyrtarisht rajonet e pushtuara në Ukrainë, domethënë do të aneksojë këto pjesë të Ukrainës.
Agjencia shtetërore ruse e lajmeve Tass citoi zëdhënësin e Kremlinit Dmitry Peskov të ketë thënë se ceremonia e nënshkrimit për marrëveshjen me Federatën Ruse do të mbahet të premten në orën 15:00 me orën e Moskës.
Presidenti rus do të mbajë një ceremoni nënshkrimi në Kremlin, pas së cilës ai pritet të mbajë një fjalim të madh dhe të takohet me administratorët e rajoneve ukrainase të emëruara nga Moska, tha Peskov, sipas Guardian.
Tashmë, lufta pritet të hyjë në një tjetër fazë, më delicate, pasi Rusia do pretendojë cenim territorial ndaj atyre vendeve perëndimore që mbështesin Ukrainën. Kësisoj, mund t’u shpallë luftë pikërisht atyre.
Fjala është për ato zona të çuara në referendum, të cilat nuk njihen as nga Ukraina e as nga bashkësia ndërkombëtare. Madje as nga aleatët e Putinit. /tesheshi.com/
