Presidenti rus Vladimir Putin tha të mërkurën se “operacioni ushtarak”, siç rusët vazhdojnë ta quajnë pushtimin e Ukrainës, ishte një sukses.
Duke folur në një takim për masat mbështetëse për rajonet, ai tha se do t’i jepte fund operacionit ushtarak në Ukrainë. Ai pretendon se Perëndimi do të përpiqet të rrezikojë integritetin territorial të Rusisë, por nuk do të ketë sukses.
Ai tha se nuk do të lejojë që Ukraina të bëhet trampolinë për kërcënimet ndaj Rusisë, transmeton RIA Novosti.
Ai i quajti sanksionet e fuqive perëndimore një “blitzkrieg” kundër Rusisë dhe tha se ato kishin dështuar.
Ai shtoi se Perëndimi po i shtyn autoritetet e Kievit në gjakderdhje duke i furnizuar me armë dhe mercenarë.
“Dua ta them këtë për herë të parë, në fillim të operacionit special, ne i kërkuam autoriteteve në Kiev të mos përfshiheshin në konflikte, por vetëm të tërhiqnin trupat nga Donbasi. Ata nuk donin. Epo, ky është vendimi i tyre”, tha Putin.
Ai gjithashtu pretendon se forcat ukrainase goditën me raketa Donetskun të hënën dhe se ishte një sulm terrorist në të cilin u vranë më shumë se 20 njerëz. Ai gjithashtu thotë se sulme të tilla vazhdojnë dhe se këto janë sulme në të cilat nuk zgjidhet asnjë objektiv.
“Ashtu si nazistët, të cilët në ditët e fundit të Rajhut të Tretë u përpoqën të godasin sa më shumë viktima të pafajshme”, tha Putin.
Siç mund të vërehet, Putin servir gjithçka ndryshe, duke bërë viktimën në kohën që ëshët agresori. /tesheshi.com/
