Presidenti rus Vladimir Putin tha se Moska nuk kishte ndërhyrë me zgjedhjet presidenciale në Shtetet e Bashkuara në vitin 2016 dhe nuk do të ndërhynte kurrë.
“Ne nuk kemi përzier, ne nuk ndërhyjmë dhe nuk do të ndërhyjmë në asnjë zgjedhje”, tha Putin në një takim me krerët e agjencive ndërkombëtare të lajmeve.
Putin dhe zyrtarë të tjerë rusë në mënyrë të vendosur mohuan ndonjë ndërhyrje në zgjedhjet amerikane, ndonëse këshilltari special i drejtësisë i SHBA, Robert Mueller gjeti prova të një operacioni të Kremlinit për të ndërhyrë në votimin e vitit 2016.
Padia amerikane
Mueller ngriti akuza kundër 12 agjentëve të zbulimit ushtarak rus për pirateri në postën elektronike të demokratëve, si dhe kundër rusëve të tjerë që përdorën lajme të rrejshëm në rrjetet sociale për të provokuar ndarje dhe për të minuar sistemin politik të SHBA.
Putin pastaj tha se qeveria nuk mund të ndalojë qytetarët rusë që të shprehin pikëpamjet e tyre në internet.
Presidenti Trump, i cili fitoi zgjedhjet e vitit 2016, tha se disa deklarata të përfshira në raportin e Mueller për përzjerjen e Rusisë në zgjedhjet e SHBA ishin “fiktive dhe krejtësisht të rreme”. /tesheshi.com/
