Presidenti rus Vladimir Putin tha se epidemia e virusit koronar nuk kishte arritur akoma majën në Rusi, por shtoi se ai ishte duke menduar heqjen graduale të karantinës deri në 12 maj, raporton AFP.
“Situata është ende e vështirë. Ekspertët dhe shkencëtarët me të cilët jemi vazhdimisht në kontakt për të kontrolluar planet dhe masat tona thonë se kulmi ende nuk është arritur”, tha Putin në një takim me guvernatorët, i cili u transmetua në televizion.
Rusia ka regjistruar mijëra të infektuar në ditë me javë, ku të martën, numri i përgjithshëm i të infektuarve ishte 93,558 dhe vdekjet ishin 867, shumica në Moskë
Heqja e karantinës do të ndryshojë nga krahina në krahinë dhe do të zbatohet “në varësi të situatës aktuale epidemiologjike dhe stabilitetit të saj”, shtoi ai.
Putini gjithashtu urdhëroi përgatitjen e masave të reja “emergjente” për të ndihmuar ekonominë dhe popullsinë.
Rusia, tha Putin, ka qenë në gjendje të rrisë kapacitetin e saj të prodhimit dhe do të jetë në gjendje të prodhojë 2.500 frymëmarrës dhe 8.5 milion maska mbrojtëse në muaj nga maji. Prodhimi i testeve për zbulimin e infektimeve është rritur nëntëfish dhe tani prodhon 150,000 në ditë, shtoi ai.
Presidenti rus, megjithatë, pranoi se ai ende nuk kishte pajisje mbrojtëse dhe urdhëroi qeverinë të marrë masa shtesë për të rritur prodhimin. /tesheshi.com/
