Presidenti rus Vladimir Putin mori dje mbështetjen e liderit suprem të Iranit Ayatollah Ali Khamenei për pushtimin e Ukrainës.
“Lufta është një temë mizore dhe e vështirë dhe Irani nuk është aspak i lumtur që njerëzit e zakonshëm vuajnë për shkak të saj, por në rastin e Ukrainës, nëse nuk do të kishit marrë iniciativën, pala tjetër do ta kishte shkaktuar luftën me iniciativën e saj. NATO nuk njeh kufij nëse rruga e saj është e hapur dhe nëse nuk do të ishte ndalur në Ukrainë, do të kishte nisur të njëjtën luftë pak më vonë me pretekstin e Krimesë”, i tha Khamenei Putinit, sipas Guardian.
Ai tha se Rusia dhe Irani duhet të bashkëpunojnë gjithnjë e më shumë për të ulur fuqinë e dollarit.
Putin u pajtua me pikëpamjen e Iranit se nuk kishte zgjidhje tjetër veçse të niste një agresion.
“Askush nuk është pro luftës dhe humbja e jetëve të njerëzve të thjeshtë është një tragjedi e madhe, por sjellja e Perëndimit na ka detyruar të mos kemi zgjidhje tjetër veçse të reagojmë. Disa vende evropiane thanë: ‘Ne ishim kundër anëtarësimit të Ukrainës në NATO, por ne ramë dakord nën presionin amerikan’, gjë që tregon mungesën e pavarësisë së tyre”, tha Putin. /tesheshi.com/
