Presidentët e Turqisë dhe Rusisë, Rexhep Tajip Erdogan dhe Vladimir Putin, u takuan të hënën në Ankara për herë të tetë këtë vit.
Një nga temat kryesore të diskutimit ishte Jerusalemi, ku Turqia njihet si një nga kritikët më të mëdhenj të vendimit të presidentit amerikan Trump për ta njohur këtë qytet si kryeqytetin e Izraelit.
Për kënaqësinë e madhe të Erdoganit, qëndrimin e Turqisë e ndan edhe Rusia.
“Statusi i Jerusalemit duhet të konsiderohet në negociatat e drejtpërdrejta midis Izraelit dhe Palestinës,” tha Putin, pas mesazhit të Erdoganit se Turqia dhe Rusia ndajnë qëndrime të ngjashme.
Putini tha se ishte i kënaqur me rezultatet e takimit dhe e quajti Erdoganin “një mik”.
Në fund, Presidenti turk i shprehu mirënjohjen kolegut të tij rus, duke i thënë “faleminderit” në gjuhën ruse.
“Spasibo!”, tha Erdogan duke qeshur dhe duke i zgjatur dorën Putinit. /tesheshi.com/
