Portali Sputnik ka publikuar një lajm nga Pekini ku thekson se Vladimir Putin dhe Aleksandër Vuçiç kanë diskutuar për “kërcënimin shqiptar në rajon” dhe kanë lëshuar një mesazh kryesor kundër Tiranës.
Siç bën të ditur portali i njohur i Kremlinit, që publikon një foto ku së bashku me Putin e Vuçiç është edhe Viktor Orban, një aleat i PD-së, theksohet se “Përpjekjet për të krijuar një Shqipëri të Madhe, ishin tema e bisedës kryeministrit serb dhe presidentit rus, Aleksandar Vuçiç dhe Vladimir Putin. Të dy ishin në Pekin për të diskutuar situatën politike në rajon.”
Sputnik, duke cituar burime anonime, ka thënë se Putin dhe Vuçiç janë takuar gjatë darkës së organizuar nga Presidenti i Kinës, Xi Jinping.
Ata kanë thejeksuar se janë “kërcënuese deklaratat e shpeshta nga përfaqësuesit politikë të shqiptarëve në Ballkan, duke vënë në dukje se retorika e tillë përbën një potencial për konflikte”.
Delegacioni serb, i cili është në kryeqytetin e Kinës drejtuar nga kryeministri Vuçiç, merr pjesë në Forumin Ndërkombëtar “Një brez dhe një rrugë”.
Vuçiç ka pasur disa takime me krerët e shteteve dhe qeverive dhe përfaqësuesve të organizatave ndërkombëtare. /tesheshi.com/
