Me një xhiro në limuzinën e prodhuar nga Rusia, e dhuruar Kim Jong-un nga Vladimir Putin, liderët e Rusisë dhe Koresë së Veriut vulosën marrëdhëniet e tyre të ngrohta siç pasqyrohet në marrëveshjen e përbashkët të mbrojtjes që ata nënshkruan.
Videoja fillimisht tregon Putinin duke u ngjitur pas timonit të limuzinës dhe duke ecur nëpër rrugët e Phenianit.
Limuzina e dhuruar nga presidenti rus është bërë nga kompania Aurus, ku Putin i ka dhënë gjithashtu Kim Jong Un një set çaji dhe një shpatë si shenjë falënderimi për mbështetjen “e palëkundur dhe të pakushtëzuar” të vendit për luftën e Rusisë në Ukrainë.
Edhe pse udhëtimi filloi me Putinin si shofer, Kim Jong-un më vonë mori timonin për të testuar aftësitë e limuzinës.
Lidhur me dhuratat e ofruara kreut të shtetit rus, një bashkëpunëtor i tij tha, sipas agjencisë TASS, se Putin ka marrë vepra arti që e ekuivalentojnë atë.
Sipas tij, këto janë “dhurata të bukura. Janë variacione përshkrimesh, të gjitha shumë artistike, mes të cilave edhe buste”. /tesheshi.com/
