Pas konflikteve të shumta me Krimenë, për herë të parë Presidenti rus Vladimir Putin ka pranuar planin e tij për të aneksuar Krimenë, e cila siç duket, nuk ka qenë vetëm një dëshirë e kreut të Kremlinit apo liderëve të Shërbimit Sekret rus, por edhe dëshira e 80% të banorëve të kësaj zone.
Pra, siç duket, Putin kishte shpalosur strategjinë e tij një ditë pas rrëzimit me protesta të presidentit ukrainas Viktor Janukoviç.
Sipas një sondazhi të fshehtë që është zhvilluar në Krime gjatë asaj periudhe, rreth 80% e banorëve të Krimesë kishin votuar “pro” bashkimit me shtetin rus.
Pas deklaratës publike të Putin mbi këtë çështje, ka reaguar sekretari i Jashtëm britanik, Philip Hammond, i cili ka bërë me dije se Rusia rrezikohet nga një raund i ri sanksionesh ndëshkuese.
Situata në lindje të Ukrainës vijon të jetë e tensionuar. Hammond ka deklaruar se është herët për të dalë në një përfundim nëse do të ketë një luftë të ftohtë në vijim apo jo, por ajo që është e sigurt, sipas sekretarit të Jashtëm britanik, Moska e sheh Perëndimin si rival dhe jo si bashkëpunëtor./tesheshi.com/
