Kazakistani, një nga aleatët më të ngushtë të Rusisë, ka refuzuar një kërkesë që trupat e tij të bashkohen në luftën në Ukrainë, thanë zyrtarët.
Ish-republika sovjetike ka thënë se nuk i njeh rajonet separatiste të mbështetura nga presidenti rus Vladimir Putin si një justifikim për agresionin kundër Ukrainës.
Përkatësisht, përkundër marrëveshjeve të armëpushimit, Putin shpalli njohjen nga Rusia të Republikës Popullore të Luhanskut (LNR) dhe Republikës Popullore të Donetskut (DNR) si shtete të pavarura.
Ky zhvillim i aleatit tradicional të Rusisë u mbështet nga Shtetet e Bashkuara, shkruan NBC News.
“Ne mirëpresim njoftimin e Kazakistanit se ai nuk do të njohë LPR dhe DPR,” tha Këshilli i Sigurisë Kombëtare në një deklaratë.
“Ne mirëpresim gjithashtu refuzimin e Kazakistanit për të dërguar forcat e tij për t’iu bashkuar luftës së Putinit në Ukrainë,” u shtua më tej. /tesheshi.com/
