Së paku deri më tani, SHBA nuk mendojnë një përballje ushtarake me Ukrainën. Këtë e bëri me dije presudenti Biden në një fjalim të fundit nag Shtëpia e Bardhë, ku foli për goditje por jo ushtarake.
“Ne nuk do të dërgojmë trupa në Ukrainë për të luftuar,” tha Biden, por ai njoftoi një paketë e re sanksionesh kundër Rusisë, pas pushtimit ushtarak të Ukrainë.
Presidenti amerikan tha se “Putini është sulmuesi dhe pasojat dhe sanksionet do të shpallen së shpejti”, duke thënë se ato kanë të bëjnë me bankat, individët dhe kompanitë e përfshira në veprimet e presidentit rus.
Joe Biden tha se në marrëveshje me liderët e G7 do të godiste rublën, e cila tashmë kishte pësuar humbje të konsiderueshme pas pushtimit të Ukrainës dhe se do të kufizonte operacionet e Rusisë në të gjitha monedhat.
Gjithashtu, katër bankat e mëdha të Rusisë do të shkurtohen drejtpërdrejt nga sot nga sistemi bankar amerikan.
Ai shtoi se do të zbatohen sanksione të mëtejshme ndaj kompanive dhe individëve që përfitojnë nga kjo situatë.
Joe Biden tha se ai po autorizonte dislokimin e forcave të reja si në Gjermani ashtu edhe në shtetet baltike, duke theksuar se NATO kishte hartuar tashmë plane të reagimit të shpejtë nëse ishte e nevojshme.
Duke iu referuar kostove financiare për qytetarët amerikanë për energjinë, presidenti amerikan tha se janë marrë të gjitha masat për të ulur pasojat dhe për të pasur furnizim të mjaftueshëm me mallra, naftë dhe gaz.
“Amerika u reziston atyre që e frikësojnë. Ja kush jemi ne. Dhe kjo është ajo që ne do të bëjmë. Forcat tona nuk do të shkojnë në Ukrainë për të luftuar. Putin filloi një sulm dhe të gjithë e shohin se reagimet e tij nuk kishin të bënin kurrë me garancitë që kërkonte, por vetëm me sulmin. Lëvizjet e Putinit nxjerrin në pah aspiratat e tij për të ardhmen e botës,” tha Biden.
Presidenti amerikan, duke iu përgjigjur një pyetjeje përkatëse, ka sqaruar se nuk ka në plan të takohet me homologun rus, duke insistuar në deklaratën e tij se “është agresiv dhe do të paguajë pasojat”. Ai shtoi se mundësia e vendosjes së sanksioneve ndaj vetë Vladimir Putinit “mbetet në tavolinë”.
Sanksionet e shpallura nga Biden:
-Kufizimi i aftësisë së Rusisë për të tregtuar në dollarë, euro, paund dhe jen në mënyrë që të mos jetë pjesë e ekonomisë botërore.
-Kufizimi i kapaciteteve të financimit dhe zhvillimit të ushtrisë ruse (nënkuptohet industria e mbrojtjes)
-Kufizimi i konkurrencës në nivel të teknologjisë së lartë duke ndaluar furnizimin me lëndë të parë.
-Sanksionet ndaj bankave ruse, individëve dhe kompanive që së bashku mbajnë rreth 1 trilion dollarë aktive.
Biden tha sonte se presidenti rus Vladimir Putin është i ndarë nga pjesa tjetër e botës dhe dëshiron të ringjallë ish-Bashkimin Sovjetik.
“Ai ka ambicie shumë më të mëdha se Ukraina.
Ai në fakt dëshiron të rivendosë ish-Bashkimin Sovjetik. Për këtë bëhet fjalë. Dhe unë mendoj se ambiciet e tij janë krejtësisht e kundërta ku ka mbërritur pjesa tjetër e botës,” tha Biden, duke iu drejtuar kombit amerikan. /tesheshi.com/
