I pranishëm në ceremoninë e 80-vjetorit të pushtimit fashist të Shqipërisë, presidenti Meta u takua dhe pozoi me pasardhës në heroit Mujo Ulqinaku.
“I lumtur të takoja Aselin dhe Sirian, stërmbesat e Heroit të parë të rezistencës antifashiste, Mujo Ulqinakut, sot në 80-vjetorin e rënies heroike të simbolit kombëtar të qëndresës, i cili jo vetëm mbrojti me jetën e tij betimin ndaj Atdheut dhe flamurit, por i dëshmoi Europës se Shqipëria nisi rezistencën antifashiste edhe pse e braktisur dhe e harruar”, shkroi ndër të tjera Meta në Facebook.
Ndërsa në terren, në Durrës, aty ku vendosi një kurorë me lule në memorialin përkujtues, Meta tha:
“Edhe pse populli thotë ‘7 prill mos ardhsh kurrë!’ përsëri 7 prilli vjen çdo vit dhe ne jemi sot këtu në Durrës pikërisht në këtë 80-vjetor për të kujtuar me krenari të pafund Mujo Ulqinakun dhe të gjithë ata ushtarakë dhe vullnetarë, të cilët i qëndruan betimit ‘Për Atdhe e për Flamur’”, deklaroi kreu i shtetit. /tesheshi.com/
