Miqtë e kanë zili për punën e saj, por Louise Bamber është një profesioniste e vërtetë në llojin e saj. Ajo punon për supemarketet Asda si përgjegjëse e zhvillimit dhe detyra e saj është ndër më të pëlqyerat në Britaninë e Madhe. Louise provon shijet e çokollatave që më pas do të dalin në treg.
Me një mesatare prej 23 shijesh të ndryshme çdo ditë, ajo konsumon rreth 460 lugë akullore në muaj. Puna e saj përfshin vizitimin e 10 fabrikave të akulloreve, përfshirë edhe ato jashtë vendit, të cilat furnizojnë rrjetin e madh të supermarketeve. 39-vjeçarja siguron në këtë mënyrë që çdo produkt i blerë të ketë standardet dhe cilësinë e kërkuar.
“Gjyshërit e mi ishin italianë dhe emigruan në Britaninë e Madhe për të hapur një punishte akulloresh. Që kur kam qenë e vogël ndihmoja gjyshen për tu shërbyer klientëve dhe tani ajo që zgjedh unë konsumohet nga mijëra persona”, – thotë Louise. /tesheshi.com/
