Jeta nuk qe treguar aq bujare me të, e megjithatë, ajo ia tregoi vendin dëshpërimit. Duke punuar si mbledhëse mbeturinash nga mëngjesi der në mbrëmje, 64 vjeçja Siti Maryani ka bërë çmos që jo vetëm të mbajë familjen me forcat e saj, por edhe të kursej mjaftueshëm për ëndrrën e saj – shkuarjen në Haxh.
E vejë dhe me katër fëmijët për t’i rritur, Maryani nga Indonezia pati një rrugë të gjatë e me gjemba, duke siguruar kafshatën falë mbledhjes dhe riciklimit të mbetjeve në rrugë.
Pasi për 26 vite kreu punë që edhe burrat do t’u ankoheshin, Maryani më në fund mblodhi afro 2500 dollarë, aq sa llogariten të jenë shpenzimet e udhëtimit të Haxhit nga Indonezia në Mekë.
Duke e mbushur pak e nga pak ëndrrën e saj, ajo mblodhi kursimet pa u treguar fëmijëve apo të afërmve të saj.
Vetëm kur iu konfirmua udhëtimi nga autoritetet, ajo e shpalosi planin e saj befasues. Fëmijët e saj u ndjenë të befasuar nga arritja e saj, duke thënë se ishin të habitur që kurrë nuk kërkoi ndihmë, ndonëse atë do ta gjente te familja. /tesheshi.com/
