Larja e enëve nuk është gjithmonë e kënaqshme, por disa femra duhet ta vlerësojnë, pasi kjo gjë ndihmon për të humbur peshë. Të paturit e një kuzhine të pastër dhe të rregullt shërben për të mos u shëndoshur, sidomos në situata stresuese.
Një ambient i pastër dhe relaksuaes redukton urinë me gjysmat e kalorive, sipas një studimi amerikan të “Cornell Food and Brand Lab”. Një grup femrash nën presion, të cilave ju kërkua që të prisnin në një kuzhinë kaotike, me gazeta në tavolinë, enë për të larë dhe telefonin që binte vazhdimisht, konsumuan dyfishin e biskotave, krahasuar me grupin tjetër të femrave, të cilat pritën në një ambient të pastër dhe të rregullt.
Grupi i parë konsumoi 65 kalori më shumë në dhjetë minuta. “Qëndrimi në një ambient kaotik dhe situatat stresuese, ndikojnë negativisht për dietat. Duket sikur ambienti thotë ‘është kaq rrëmujë, pse të mos jem edhe unë”, thotë Lenny Vartanian, profesor i psikologjisë në University of New South Wales në Australi.
Studimi u publikua në revistën shkencore “Environment and Behavior”, ku u monitorua sjellja e 100 femrave, ku gjysma e tyre pritën në një kuzhinë të çrregullt dhe gjysma tjetër në një ambient të pastër dhe të rregullt, transmeton Noa.
Në të dyja situatat, ishin në dukje kuti me biskota, karota etj. Para se të hynin në dhomë, disa femrave ju kërkua që të përshkruanin një situatë ku ndiheshin nën preson dhe të tjerave të një situate ku çdo gjë ishte nën kontroll.
Në përfundim rezultoi se ato që kishin një kuzhinë të rregullt kishin konsumuar 100 kalori më pak. Kështu studiuesit këshillojnë që femrat të lajnë enët dhe të mbajnë më pastër kuzhinën për të pasur një linjë trupore më në formë./tesheshi.com/
