Francois Fillon, kandidati i kosnervatorëve në zgjedhjet presidenciale në Francë, nuk duket të jetë i vetëm në shfrytëzimin e detyrave të tij shtetërore për të punësuar njerëzit e familjes.
Një hetim i ngjashëm ka çuar në dorëheqjen e ministrit të Brendshëm të qeverisë franceze, Bruno Le Roux. Eshtë zbuluar se ai ka i punësuar dy vajzat e tij adoleshente si ndihmëse parlamentare, e se pagesat e tyre kanë qenë të fryra.
Le Roux u ka dhënë të bijave kontrata afatshkurtëra prej vitit 2009 e deri në 2016-n, për çka ato kanë fituar një shumë prej 55.000 eurosh.
Raportimi i kanalit televiziv TMC zbulon se vajzat ishin ende në shkollë kur Bruno Le Roux i punësoi, e se emrat e tyre gjendeshin sërish në bordero kur ato vajtën në universitet.
Ministri i dorëhequr nuk ka pranuar të ketë bërë diçka të gabuar; të njëjtit kanal televiziv i ka deklaruar se të bijat kishin punuar për të gjashtë pushimeve verore.
Matthias Fekl pritet të jetë zëvendësuesi i tij në postin e ministrit të Brendshëm. /tesheshi.com/
