Një vajzë e porsalindur është gjetur e varrosur për së gjalli në veri të Indisë, ka bërë me dije një oficer rajonal i policisë.
Ai u tha gazetarëve se fëmija u gjet nga një fshatar që po varroste vajzën e tij, e cila kishte vdekur disa minuta pas lindjes.
Vajza e vogël, e cila ishte vendosur brenda një kove balte, u dërgua shpejt në spital ku edhe po shërohet.
Tani, policia ka filluar një hetim mbi ngjarjen që po konsiderohet si “fat në fatkeqësi”.
“Ne po mundohemi të gjejmë prindërit e foshnjës pasi dyshojmë se kjo mund të ketë ndodhur me pëlqimin e tyre,” tha zyrtari policor.
Hendeku gjinor në Indisë është një nga më të këqijtë në botë. Gratë shpesh janë të diskriminuara në familje dhe vajzat konsiderohen si një barrë financiare, veçanërisht në mesin e komuniteteve të varfra.
Raportet flasin se preferenca për foshnjat djem ka bërë që miliona vajza të eliminohen nga barku i nënës ndër vite.
Edhe pse shumica e fetuseve femra të padëshiruara abortohen me ndihmën e klinikave të paligjshme të përcaktimit të gjinisë, rastet e vajzave të vogla që vriten pas lindjes nuk janë të rralla. /tesheshi.com/
