Ajo është një profesioniste dhe humane e vërtetë. As dita e saj e dasmës nuk e ka ndaluar 29-vjeçaren Sarah Ray, mjeke roje në Tenesse të Shteteve të Bashkuara të Amerikës, të bëjë detyrën e saj. Ajo ka arritur të shpëtojë rreth një orë pasi ka thënë ‘po’, babanë dhe gjyshërit e saj, të cilët u përfshinë në një aksident rrugor. Bashkë me bashkëshortin Paul, edhe ai mjek roje, Sarah vrapoi për në vendngjarje, ndërsa mbante veshur fustanin e bardhë.
Fotoja bëhet virale – Gjesti i Sarah u dëshmua nëpërmjet një fotografie të shkrepur nga nëna e nuses, e cila e postoi atë më pas në faqen e Facebook “Montgomery County Emergency Medical Services”. Është një fotografi e cila ka bërë xhiron e botës. Në të duket nusja e veshur me të bardha duke vrapuar në rrugë. Ka ngritur fustanin deri tek gjunjtë, këpucë të sheshta në këmbë dhe kamioni i zjarrfikësve nga pas.
“Asgjë heroike” – “Na ka ndodhur të ndalojmë shpesh herë në rrugë kur shikojmë aksidente. Jemi të dy mjekë. Ndryshimi i vetëm është se këtë herë unë isha me fustanin e nuses”,- thotë Sara, e cila shton më pas “Nuk mendoj se ajo që bëmë ishte heroike. Është diçka që çdo mjek roje do ta bënte”./tesheshi.com/
