Google po kërkon specialistë të sigurisë së mjeteve për projektin “makina pa pilotë”. Specifikisht në një postim të bërë publik në sajtin dedikuar botës së punës “Hireart”, kërkohen personel që të punojë 6-8 orë në ditë, për pesë ditë në javë.
Puna konsiston në mbledhjen e të dhënave në bordin e makinave që vetë-voziten për ekipin e inxhinierëve të Google.
Personi që do të përzgjidhet dhe do të përpilojë raportet e testeve të ndryshme, do të punojë në grupe të përbëra nga maksimumi 10 persona dhe do të kujdeset për të dhënë detaje të hollësishme.
Kërkohet një person që të jetë “profesionist dhe i përgjegjshëm” e mundësisht pa bërë asnjë aksident me makinë. Puna paguhet 18 dollarë në orë. /tesheshi.com/
