Pas arrestimit të të gjithë krerëve të Katalonjës, nga zv.presidenti dhe 7 ministrat, Ministria e Drejtësisë së Spanjës ka shpërndarë në orët e para të mëngjesit, mandatin e arrestit ndërkombëtar për Carles Puigdemont, presidenti i shkarkuar i rajonit të Katalonjës.
Siç bën të ditur Reuters, Paul Bekaert, avokati belg i Puigdemont, deklaroi në televizionin publik të vendit të tij që lideri indipendentist katalan ndodhet në Bruksel së bashku me 4 ministra të tij. Ai tha se mandati i arrestit ka mbërritur me një avion special poste të policisë spanjolle në aeroportin e Brukselit dhe është protokolluar tek oficeri i dezhurit i zyrës së Interpolit në orën 00.30.
Avokati Paul Bekaert deklaroi se tani si procedurë është që drejtësia spanjolle të dërgojë në Belgjikë një shkresë ekstradimi për Puigdemont, e cila do të duhet të shqyrtohet në të gjitha shkallët e gjyqësorit. /tesheshi.com/
