Ish-drejtuesi i provincës së Katalonjës, Carles Puigdemont ka bërë thirrje në një miting në Perpignan, në jug të Francës, për të vazhduar përpjekjet për pavarësinë e Katalonjës, raporton AFP.
“Ne duhet të përgatitemi për betejën përfundimtare, duke kapërcyer gabimet, dyshimet dhe dobësitë,” tha ai në Perpignan, i konsideruar nga shumë separatistë si “Katalonia Veriore”.
Rreth 100,000 njerëz janë mbledhur në qytetin francez, sipas policisë atje, ndërsa organizatorët thonë se numri është 150,000.
Puigdemont, i mbrojtur tani nga imuniteti parlamentar i Parlamentit Evropian, është për herë të parë pranë në Spanjës, e cila ka lëshuar një urdhër arrest për të.
Ish-drejtuesi i Katalonjës nuk mund të lëvizte as brenda Francës përpara imunitetit, e cila bashkëpunon ngushtë me policinë spanjolle.
Puigdemont gjithashtu u prit nga autoritetet lokale, duke shkaktuar pakënaqësi te ish-kryeministri francez Manuel Wals, me origjinë nga Katalonja. Ëals tha se “autoritetet lokale janë përshëndetur me një fanatizëm të madh nga një zyrtar politik i cili u largua nga Spanja, ku procedurat ligjore janë ngritur kundër tij”.
“Nuk ka asgjë përparimtare në lidhje me këtë separatist (Puigdemont), sepse ai pretendon se po vjen në ‘Kataloninë e Veriut’ dhe jo në Francë,” tha Wals, duke shtuar se ishte mosrespektues ndaj shtetit fqinj.
Një referendum për pavarësinë u mbajt në Kataloni në tetor 2017 pavarësisht kundërshtimit të autoriteteve qendrore në Madrid. Parlamenti katalanas atëherë shpalli pavarësinë.
Qeveria qendrore e atëhershme e Spanjës, në përgjigje të ngjarjes, pezulloi autonominë e Katalonjës, shkarkoi qeverinë e saj, shpërndau parlamentin rajonal dhe prezantoi administratën e drejtpërdrejtë të Madridit në rajon.
Nga i gjithë ky zhvillim, Puigdemont dhe disa zyrtarë të tjerë separatistë u larguan nga Spanja për në Belgjikë. /tesheshi.com/
