Puigdemont dhe 4 ministrat e tij ndalohen nga prokuroria belge: nesër vendimi për masën e sigurisë

Presidenti i shkarkuar katalan, Carles Puigdemont dhe katër ish-ministrat që janë bashkë me të në Belgjikë, do të ndalohen nga prokuroria belge pas arritjes së mandatit të arrestit nga Spanja.

Këtë e kanë bërë të ditur burime të prokurorisë të Brukselit për agjencinë Europa Press.

“Në mënyrë që prokuroria t’i hyjë çështjes në themel, i kërkuari në fillim duhet të privohet nga liria”, ka shpjeguar për Europa Press zëdhënësi i prokurorisë së Brukselit, Gilles Dejemeppe.

Prokuroria belge ka bërë të ditur se sot do të ndahet përfundimisht se si do të veprohet me trajtimin e masës së sigurisë për qeveritarët e Katalonjës. /tesheshi.com/