Agjencia shtetërore e lajmeve të Turqisë, Anadolu thekson se një helikopter me 8 persona të përfshirë në përpjekjen e grushtit nga FETÖ, është ulur në Aleksandropolis të Greqisë.
Ndërkohë ministri i Jashtëm turk, Mevlut Çavushoglu në lidhje me këtë çështje ka deklaruar: “Kemi kërkuar dorëzimin e menjëhershëm të 8 ushtarëve tradhtarë të cilët u arratisën në Greqi me helikopter”.
Agjencia greke e lajmeve ANA thekson se helikopteri turk që ka kërkuar leje për ulje nga autoritetet greke është ulur në pistën në Aleksandropolis e cila ndodhet në afërsi të kufirit mes dy vendeve.
Ndërsa televizioni shtetëror ERT ka njoftuar se në helikopter ndodhen 8 persona, nga të cilët një prej tyre civilë.
Sipas të dhënave paraprake thuhet se në helikopter ndodhen ushtarët që kanë dhënë mbështetje tentativës për grusht shteti nga FETÖ.
Gjithashtu në lajm thuhet se këto persona kanë bërë kërkesë për azil në Greqi.
/tesheshi.com/
