Ndërsa një grup ushtarakësh po tentojnë të bëjnë grusht ushtarak në Turqi, Presidenti Rexhep Tajip Erdogan ndodhet në një mjet ushtarak pranë zonës bregdetare të Bodrumit.
Mediat turke dhe BBC nuk japin detaje, por theksojnë se bëhet fjalë për një post-stacion të sigurtë.
Ndërkaq, kryeministri Binali Yildirim, ka deklaruar për televizionin NTV se bëhet fjalë për një përpjekje për puç shteti nga ana e një grupi të padukshëm në zinxhirin komandues të ushtrisë që kanë ndërmarrë një akt ilegal, por që demokracia turke nuk do të ndërpritet.
“Kjo përpjekje është është marrëzi, por ata do të paguajnë në mënyrën më të rëndë”, tha shefi i qeverisë së Ankarasë.
Yildirim ka deklaruar se qeveria po vlerëson situatën që të mos ketë dëm në popullatë.
“Ka një përpjekje për revoltë nga një grup ushtarakësh që është veprim i paligjshëm. Qytetarët nuk do të preken. Qeveria e Republikës së Turqisë e zgjedhur nga qytetarët e kombit është në punë me vullnetin e kombit.
Ne kurrë nuk do të lejojmë të humbim demokracinë. Nuk do të lejojmë këtë çmenduri”, tha ai.
/tesheshi.com/
