Në disa media në Kosovë e Maqedoni po qarkullon një lloj rezymeje se si u krijua Republika Serpska brenda Bosnjes duke kaluar më pas në një Asocacion Komunash, siç pritet të ndodh dhe në Kosovë. Në fakt, këtë ka paralajmëruar edhe opozita kosovare, respektivisht Albin Kurti, që krahas një politikani rebel, është njohjës i sprovuar i ideologjisë serbe të veprimit politik e diplomatik.
Ja ç`shkruhet për Asocacioni e Komunave Serbe në Bosnje që më pas u konkretizua me një shtet brenda shtetit, siç është aktualisht Republika Serpska:
Fillimisht serbët e Bosnjës krijuan Asociacionin e Komunave Serbe (AKS) më 36 prill të vitit 1991, i cili përbëhej nga 14 komuna me shumicë serbe.
AKS kishte edhe këshillin me përfaqësues nga secila komunë. Ndërsa në muajin shtator të po atij viti serbët shpallën rajonet autonome brenda Bosnje Hercegovinës, transmeton Telegrafi.
Më 24 tetor krijohet “Asambleja e Popullit Serb të Bosnje-Hercegovinës”, e cila organizon dhe mban referendum në komunat me shumicë serbe për tu pavarësuar nga Bosnja, ku 92 për qind e pjesëmarrësve i ishin përgjigjur pozitivisht shkëputjes nga shteti boshnjak.
Më 9 janar të vitit 1992 deputetët serbë braktisin zyrtarisht parlamentin e Bosnje-Hercegovinës dhe shpallin pavarësinë nga ky shtet.
Më 28 shkurt “Asambleja e Popullit Serb të Bosnje-Hercegovinës” miraton kushtetutën e Republikës Serbe të Bosnje-Hercegovinës, përkatësisht shpallen shtetin brenda shtetit, të njohur sot si Republika Srpska.
Pra, pas episodeve të zymta të verës 1995 dhe pas ndryshimeve të raporteve të fuqisë ushtarake (të mundësuara me krijimin e Federatës Kroato-Muslimane) nënshkruhet marrëveshja e Dejtonit.
Përmes kësaj marrëveshjeje, serbët arritën që të krijojnë edhe një shtet të njohur ndërkombëtarisht brenda federatës së Bosnje-Hercegovinës së sotme.
Edhe opozita kosovare këtë ka paralajmëruar se do të ndodhë me Zajedincën, siç e emërton ajo Asocacionin: “bosnjezimi” i Kosovës. /tesheshi.com/
