Këto ditë është publikuar “Raporti i lumturisë në botë” për vitin 2016, në të cilin kanë marrë pjesë 157 vende, ku qëllimi i studimit ka qenë të përcaktohet një bazë shkencore për matjen dhe të kuptuarit e lumturisë së individit.
Indeksi i lumturisë është fituar duke u bazuar në analizat e studimeve të shumta të cilat kanë përfshirë faktorët më të rëndësishëm shoqërorë që ndikojnë në lumturinë subjektive, përfshirë ato ekonomike, shëndetësore, psikologjike, si dhe shumë faktorë tjerë.
Indeksi i lumturisë në Kosovë në bazë të këtyre të dhënave ka dalë të jetë 5.401 që e vendosë në pozitën numër 77 (nga indeksi 5.589 dhe vendin e 69-të në vitin 2015), kurse në Shqipëri indeksi ka dalë të jetë 4.655 që e vendos në pozitën 109 (nga indeksi 4.959 dhe pozitën e 95-të vitin e kaluar).
Dhjetë vendet më të lumtura sipas këtyre të dhënave kryesisht u takojnë vendeve industriale me mentalitet perëndimor, vende këto me madhësi të vogël dhe të mesme, shtatë prej të cilave ndodhen në Evropë.
10 vendet e fundit sipas këtij hulumtimi të gjërë në përgjithësi renditen për shkak të gjendjes së rëndë socio-ekonomike, sëmundjeve të shpeshta, dhunës, korrupsionit, GDP-së ulët, etj.
Katër qeveri nacionale (Butani, Ekuatori, Emiratet e Bashkuara Arabe dhe Venezuela) madje kanë themeluar ministritë për lumturi, me qëllim të përmirësimit të indeksit personal të lumturisë. /tesheshi.com/
